పలుకులకందని వాడా..భావము కలచేవాడా..

స్త్రీ పురుష నపుంసక మూర్తియునుగాక

తిర్యక్ అమర నరాది మూర్తియునుగాక

కర్మ గుణ బేధ సదసత్ ప్రకాశికాక

వెనుక నన్నియు తానగు విభుతలంతు

అతను స్త్రీ కాదు 

పురుషుడు కాదు 

నపుంసకుడూ కాదు

అసలు దానికొక స్వరూపం లేదు

అది 

నిరాకార నిర్గుణ సచ్చిదానంద చైతన్య స్వరూపం

అది తనంత తాను గా 

ఒక రూపం పొందుతుంది

అది స్త్రీ కావచ్చు

పురుషుడూ కావచ్చు 

ఆకృతి కాదు ప్రధానం

లోపల వున్న పరమాత్మ తత్వం

మూర్తి ఆరాధన 

సగుణం నుంచీ నిర్గుణంలోకి వెళ్ళాలి

సాకారమైన మూర్ర్తి ఆరాధన నుంచీ

నిరాకారమైన ఆరాధనలోకి వెళ్ళటం 

సాధనలోని పై మెట్టు

ఇది తెలిసిన మహాపురుషులు

మన శంకర భగవత్పాదులు

రామానుజులు

రమణులు

ఇంకా

ఎందరో...

ఎందరో...

ఆనాటి భక్తీ రంజని లో మకు టా యమాన మైన కృతి 

రచన శ్రీమాన్ పుట్టపర్తి నారాయణా చార్యులు 
గానం ఆకాశవాణి  బృందం


పలుకుల కందని వాడా
పాపము కలచేవాడా
పరమ సమాధి లయంబున
పలుమరు తోచేవాడా

పురుషుడంచు భావించితె
పొలతిగ నగుపించు వాడా
పొలతియంచు యెంచితె
నిశ్చేతనముగ నెగడెడువాడా

గుణములు కలవాడంటే
గుణమొకటియు లేనివాడా
త్రిగుణంబుల ముసుగులోన
చిక్కియు చిక్కని వాడా

పలురకముల తనువులతో
ఇలపై నిలిచిన వాడా
పలుకులకూ మాటలకును
దక్కని తెరగులవాడా..